Visita guiada ás salas de Castelao
Martes 7 de outubro de 2025, ás 18 h, no Edificio Castelao
Para conmemorar o 75 aniversario do pasamento de Castelao o 7 de xaneiro de 1950 en Bos Aires, o Museo de Pontevedra programa unha visita guiada especial ás súas salas dedicadas ao artista. Son dous espazos nos que se exhibe unha parte dos centos de obras do autor que conserva o museo. Nelas está moi presente a súa faceta de artista, pero tamén as de escritor e político galeguista, imposibles de desligar daquela.
A visita será duns 60 minutos e, durante este ano, repetirase o primeiro martes de cada mes. A inscrición pode facerse a partir do luns 29 de setembro a través deste formulario.